Wuběr rěčow:
/ WITAJĆE  

Lubi wopytowarjo, lubi wobydlerjo!

Wjeselu so, zo móžu Was na web-stronje Worklečanskeje gmejny we srjedźišću dwurěčnych wjeskow Budyskeho wokrjesa witać.

Ze sćěhowacym wirtuelnym poskitkom zwjazam nadźiju, wčipnosć zbudźić, kiž Was k wopytej do našeje kónčiny pohnuwa. Stawizny, tradicije, kultura a rěč su wosebitostki, kotrež móžeće při wopytach dožiwić a zeznać.

Sće wutrobnje witani!

Clemens Poldrack
wjesnjanosta Worklečanskeje gmejny

 

Lubi wobydlerjo,

ja rěkam Clemens Poldrack, sym 35 lět stary, ženjeny, nan dweju dźěsći a bydlu we wjesnym dźělu Wudwor.

K 01.08.2022 sym zastojnstwo čestnohamtskeho wjesnjanosty gmejny Worklecy nastupił. Dźakuju so jara wutrobnje wšitkim wolerkam a wolerjam za spožčenu dowěru. Podźakować chcu so předewšěm pola mojeho předchadnika, knjeza Franca Brußka, za jeho dołholětne, horliwe a wusahowace dźěło. Wón je našu gmejnu charakterizował a ju k temu činił, štož wona dźensa je - gmejna z wutrobu, w kotrejž hodźi so derje a rady žiwy być!

Wjeselu so na dowěrliwe a konstruktiwne zhromadne dźěło ze wšěmi wobydlerjemi, towarstwami, předewzaćemi, čłonami wohnjowych woborow a gmejnskeje rady. Waše přeća a nastorki móžeće rady na gmejnske zarjadnistwo (gemeinde@raeckelwitz.de; telefon: 035796 / 96342) resp. wosobinsce kóždu wutoru w času wot 16:00 hodź. hač do 18:00 hodź. (abo po dorěčenju) na mnje měrić.

Wutrobny dźak.
Waš Clemens Poldrack