Gmejna Worklecy

Mi je wulke wjeselo, zo směm Was na webstronje gmejny „z wutrobu“ Worklecy witać.  Naša krasna gmejna leži we wutrobje dwurěčneho sydlenskeho ruma we wokrjesu Budyšin a je sobustawska gmejna Zarjadniskeho zwjazka „Při Klóšterskej wodźe“.  Gmejna Worklecy wopřija wjesne dźěle Worklecy, Smječkecy, Wudwor, Nowu Wjesku, Hatow a Horni Hajnk z cyłkownje 1.145 wobydlerjemi a cyłkownej płoninu 11,5 kwadratnych kilometrow.

Ze sćěhowacym wirtuelnym poskitkom zwjazam nadźije, Waš zajim na wjesnych dźělach, jich wobydlerjach, rěči, kulturje kaž tež wobšěrnych nałožkow našeje gmejny a cyłkownje dwurěčneho regiona budźić.

Budźće wutrobnje witani!

Waš Clemens Poldrack

Čestnohamtski wjesnjanosta gmejny Worklecy